Ley di Cacho ta stipula tarea, responsabilidad y autoridad pa e cuidadano, BCI y KPA

Dit item is gearchiveerd op 26-05-2022.

ORANJESTAD - Na comienso di april 2022, Minister di Integridad, Transporte, Naturalesa y Cuido di grandinan, Ursell Arends, den cuadro di e National Plan for Stray Animals (NPSA), conhuntamente cu Post Aruba N.V., a lansa un campaña pa conscientisa comunidad riba nan responsabilidad di mantene nan cacho den nan cura, manera cu Ley di Cacho ta stipula.

Manera ta conoci Aruba tin un Ley di Cacho (Hondenverordening).  Den e ley tin responsabilidad, tarea y autoridad nan cu ta regarda Korps Politie Aruba (KPA), Bureau City Inspector (BCI) y e ciudadano en general. Pa logra cumplimento di e Ley, como tambe metanan di e plan nacional y e campaña, ta importante pa comunidad ta bon informa riba e esaki.

Partido di carta riba su scooter ta wordo ataca door di cacho. E ciudadano cu ta doño of ‘houder’ di un cacho ta obliga y tin e responsabilidad pa tene su cacho den cura, of si no tin cura, na e reglanan stipula. Su autoridad ta dirigi riba decisionnan cu e por of mester tuma na bienestar di su mascota.

E tarea di control y ehecucion di e Ley di Cacho primordialmente ta cay bou di tarea di Polis, pero ta comparti esaki hunto cu BCI.

Den e cuadro aki BCI (tambe) tin e autoridad pa duna advertencia y nan ta ekipa cu BAvPol, cu kiermen “buitengewone agenten van politie” cu por duna multa. Pues ora un cacho ta los riba caya y ta causa molester y/of forma un peliger pa otro (persona y /of animal) por tuma contacto cu Bureau City Inspector (BCI).

Un situacion di incidente caminda un cacho a morde hende of bestia, si ta cay directamente bou di tarea di Polis (KPA).

Den e campaña cu Post Aruba N.V., ta trata na stimula comportacion responsabel di doñonan di cacho. Como doño di e cacho bo lo ricibi un advertencia den bo brievenbus e prome bes cu encontra bo cacho riba caya. E segundo biaha por ricibi un multa ora cu autoridad pasa di bishita, y bolbe encontra bo cacho riba caya.

Gobierno di Aruba ta haci un suplica na comunidad pa tene nan mes na e reglanan di e Ley di Cacho y asina actua di un forma responsabel y civico.  

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options