Lansamento eLearning Pilot Project

Meta di e proyecto ta pa stimula e 21Century Skills for di un edad hoben caba y ta fungi tambe como un acelerador pa implementacion di e Sustainable Development Goals (SDGs) di Nacionnan Uni. Ademas e lo mehora enseñansa, stimula innovacion y encurasha colaboracion den trabou. Cu e proyecto aki, ta pone innovacion den educacion central y lo cuminsa evalua na un manera practico e resultado di e inversion den e programa piloto aki. E eLearning Pilot Project lo cuminsa den e aña escolar nobo.

Durante hopi aña inversion den educacion a keda neglisha Mayora scol ni sikiera tin computer, of tin computernan anticua cu no ta funciona adecuadamente. Tin scol cu ta duna les di computer solamente den teoria door di falta di computer of computer cu no ta funciona. Falta di ekipo y herment necesario no ta cuadra den un era di innovacion y cu e direccion cu Gobierno kier hiba educacion. Cu e eLearning Pilot Project lo drecha e situacion aki, eleva educacion y prepara nos muchanan pa trabounan di futuro. Di e forma aki tambe ta duna nos maestronan e oportunidad pa haya mas conocemento di e materianan nobo unda cu tin mester.

E siman aki, ta lansa e Proyecto na e scolnan na Macuarima y asina aki pone un paso mas cerca di hiba nos muchanan den futuro cu tanto nan merece.