Lansamento di e buki Buchi Penchi Malo di Tanchi Esme

ORANJESTAD - En conexion cu Siman di Festival di Buki pa mucha na islanan ABC, Prome Minister a duna inicio na su siman di trabou bishitando Colegio Ora Ubao pa e lansamento di e buki Buchi Penchi Malo.

Lansamento di e buki Buchi Penchi Malo di Tanchi Esme.Lansamento di e buki Buchi Penchi Malo di Tanchi Esme.Minister di Finansa y Cultura, señora Xiomara Maduro y Minister di Enseñansa y Deporte señor Endy Croes a compaña Prome Minister.

E autor di e buki Buchi Penchi Malo ta señora Esmeralda Tromp, conoci tambe pa nos muchanan como Tanchi Esme.

Tanchi Esme pa mas cu 25 aña tin su mes programa di radio na Aruba cu yama Mundo Infantil, entreteniendo nos consentinan di cas cu un variacion unico den su programa.

Editorial di Buchi Penchi Malo, Request Publishing ta relata cu Buchi Penchi Malo ta un fabula cu ta trata importancia di evita di pensa y haci maldad, e importancia di scoge pa pone meta pa logra algu den bida. E storia tin varios lesnan di vida, entre otro e aspecto di pordona, mustra afeccion y dicidi pa scoge e bon caminda.

Prome Minister den un discurso cortico na e ocasion a felicita Tanchi Esme cu e lansamento di su buki Buchi Penchi Malo.  

Lansamento di e buki Buchi Penchi Malo di Tanchi Esme.Lansamento di e buki Buchi Penchi Malo di Tanchi Esme.Prome Minister a gradici Colegio Ora Ubao pa e bunita presentacion y pa stimula muchanan pa lesa buki.  

Prome Minister a laga un mensahe atras pa tur mayor, tanta, omo, wela y welo: “Ban traspasa e balor di lesamento pa nos muchanan. Di e manera aki nos ta yuda nan pa confia y expande nan horizonte. E tema di e siman aki ta bisa “Ta loke bo kier ta”. Cada mucha por bira loke e kier bira. Esaki ta un mensahe sumamente poderoso pa nos siña cada mucha di nos pais. Loke nan pone nan mente y nan curason na dje, nan por logra”

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options