Landspakket – sector di cuido

ORANJESTAD –  Den e Landspakket cu Gobierno di Aruba a firma cu Hulanda tin diferente puntonan di accion cu a acorda.

Pa e sector di cuido tambe a acorda diferente punto di acciony e acuerdonan y accionnan cu Ministerio di Salud Publico mester cumpli cune.

Den cuadro di transparencia ta mustra pueblo di Aruba riba locual ta trata e acuerdonan y accionnan cu Ministerio di Salud Publico mester cumpli cune.

E parti di cuido medico di e Landspakket ta parti den 3 componente:

1) Accionnan pa por maneha y contene e virus Covid-19:

Temanan di e Agenda di Ehecucion di Landspakket 1 februari  - 1 april 2021.Tur e instrumentonan necesario mester ta na nan lugar pa preveni y contene plamamento di COVID-19 na Aruba.  Esakinan ta encera e.o.:

  • mantene e capacidad di e unidad di cuido intensivo (ICU), c uta inclui e personal adicional di AMI Expeditionary Healthcare) na Hospital,
  • e introduccion di e vigilancia di sintoma (investigacion di e cero prevalencia), 
  • mantene  e unidad di contact tracing uno intensivo,
  • fortalece e capacida di Salubridad Publico,
  • intensifica e control y  amplia capacidad di test na aeropuerto.
  • Desaroya controlnan mas estricto na frontera.
  • Mantene campañanan di conscientisacion, centronan di informacion y contacto (call centers) etc.

Tambe palabracionnan a ser haci den cuadro di programa di vacunacion manera preparacionan di material y mashin pa warda e vacunanan na e manera stipula conforme e protocolnan di calidad, sosten den implementacion di e programma di vacunacion. Tambe Aruba por conta ariba asistencia tecnico di Hulanda si esaki ta necesario. Tur esaki a wordo controla, supervisa pa RIVM.

Kaft Agenda di ehecucion (Uitvoeringsagenda) landspakket 1 februari - 1 april 20212) E Segundo punto tin como obhetivo pa paisnan den Reino traha mas estrecho cu otro riba tereno di cuido, specialmente intensifica e cooperacion entre hospitalnan den reino. E meta di e cooperacion aki ta pa haci e cuido medico den e islanan mas sostenibel y pa aumenta e eficiencia y e calidad.

Mientrastanto hospitalnan ya caba ta den un etapa mas avansa pa cu e cooperacion aki. Den cuadro di esaki hospitalnan den Reino ya a firma un acuerdo pa realisa e cooperacion aki.

3) Como ultimo punto di accion ta referi na un investigacion andando cual tin como meta pa defini e concepto di “cuido basico” na Aruba. E meta di e investigacion aki ta pa defini e cuido necesario cu  pueblo di Aruba mester por conta ariba dje den relacion cu e cuadro clinico di nos hendenan. E resultado di e investigacion aki lo forma e base ariba cual e cooperacion di cuido den Reino, manera stipula den punto dos, lo incorpora y reparti pa yega na eficiencia y efectividad riba e tereno di cuido medico den Reino. E investigacion ta andando desde januari 2021 y ta ser ehecuta door di  professor J. Hubben (un experto riba tereno di salubridad y cu conocemento extenso di e sistema di Salud na Aruba). Mientrastanto Gobierno a institui un comision nacional di cuido. E meta di comision nacional di cuido ta pa conhuntamente bini cu proposicionnan pa  implementa  di instrumentonan den e sistema di cuido medico na Aruba cumpliendo cu palabracionnan cu Hulanda.  Tambe pa discuti reformanan den cuido medico na un manera aceptabel y responsabel manteniendo e calidad di cuido na Aruba y asina yega na un seguro medico (AZV) sostenibel.

Por haya infomacion bou tema F cu ta concerni cuido,  di e Agenda di Ehecutacion di Landspakket pa loke ta trata e prome kwartaal 2021.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options