KLM cu 15 vuelo adicional pa Aruba

ORANJESTAD – Diaranson atardi Minister di Turismo sr. Dangui Oduber a anuncia cu e aerolinea nacional Hulandes esta KLM a caba di confirma cu nan lo bay aumenta nan operacion na Aruba.

KLM Airbus A330-200.KLM lo bay aumenta nan operacion cu 15 vuelonan adicional.  Esaki lo sosode durante e temporada di high season entre 15 di december 2021 cu 14 di januari 2022. 

KLM ta un socio importante pa turismo di Aruba, ya cu ta percura pa e transporte di un gran cantidad di bishitante for di e mercado Europeo en general.

Lo realisa e vuelonan cu un avion tipo A330-200 cu capacidad pa 268 pasahero. Cu esaki KLM a aumenta nan capacidad pa Aruba cu 4020 pasahero extra den high season. Pa Aruba, esaki ta nifica e potencial pa un crecemento adicional den turistanan Europeo atrabes di diferente conexion via Hulanda.

Minister di Turismo y Salud Publico, Dangui Oduber.Ya caba e diferente ekiponan di trabou tanto na Aruba como na e oficinanan di turismo di Aruba na Europa a cuminsa informa agencianan di biahe, operador di tours y otronan di e posibilidad awo mas amplio pa yega Aruba, specialmente den e luna friu di winter na Europa

Tambe riba 20 di november binidero lo tin e vuelo inaugural di Frontier Airlines cu lo ta un vuelo directo for di Miami. Pa asina sigui diversifica nos turismo den e parti Mericano tambe cu ta esun di mas importante pa Aruba.

Minister Oduber a menciona cu segun e proyeccionnan e aña aki su high season ta premira di surpasa esun di 2019 cu tabata aña sumamente existoso den turismo. Segun e mandatario e ta premira un high season sumamento positivo pa e turismo di Aruba.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options