Kahanan di Músika - e forma divino pa alegrá kurason

ORANJESTAD - Directora di Biblioteca Nacional Aruba, sra. Astrid Britten a ricibi e buki titula ‘Kahanan di Músika: e forma divino pa alegrá kurason!’. 

Autornan for di Corsou, sra. Marilyn Alcalá-Wallé, Herta Parabirsing-Balentina y Nidia Rosaria-Wallé a haci entrega di un ehemplar di e buki pa e coleccion Caribiana na Dept. Arubiana. Esaki ta un publicacion cu ta duna hopi informacion di e instrumento tipico, Caha di orgel.

Ka’i Orgel – Fuente Facebook Aña di Ka'i OrgelCaha d Orgel E buki ta elabora riba e.o. origen di Caha di orgel na Corsou, trahadonan y tocadornan di Ca’i Òrgel, organisadornan di fiesta, tocadornan di Wiri y su origen, instructornan di baile folklore y mas. Tur esnan cu tin interes pa sa mas di e historia di Caha di orgel y e desaroyonan, por haci un bishita na e departamento Arubiana. 

Plataforma Kaha di Òrgel:
Aruba y Corsou tin un historia y laso comun y estrecho riba tereno di Caha di orgel y semper a sostene otro pa mantene e patrimonio musical di Caha di orgel bibo.
Den cuadro di mantencion di e patrimonio aki bibo, recientemente alabes a institui un Plataforma di Kaha di Òrgel na Corsou, di cua un delegacion a realisa un bishita di cortesia na biblioteca, den persona di drs. Marilyn Alcalá-Wallé, sra. Herta Parabirsing-Balentina, sra. Nidia Rosaria-Wallé y sr. Erich Martina.

Directora di Biblioteca Nacional Aruba, sra. Astrid Britten ta ricibi e buki titula ‘Kahanan di Músika: e forma divino pa alegrá kurason!’ for di e autornan for di Corsou, sra. Marilyn Alcalá-Wallé, Herta Parabirsing-Balentina y Nidia Rosaria-Wallé.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options