IVA ta pidi pashentnan pa controla nan remedi Losartankalium di e fabrica Apotex. Cierto produccion ta contamina

Ta prescribi Losartankalium pa individuonan cu ta sufri di presion halto y cu problemanan di curason. IVA y tur botica ta pidi pashentnan pa controla nan remedi y pa trece e remedi bek pa nan botica si e ta cay bou di e batch contamina.

E Inspectora di Remedi, drs. Roselynn Angela (Boticario) ta urgi esnan cu ta uzando e remedi Losartankalium pa controla e chargenummer riba nan paki di remedi. E chargenummer ta indica e batch di e remedi. Si e chargenummer ta cuadra cu e chargenummer cu tin riba e lista, mester hiba e remedi aki bek na bo botica y eynan lo ricibi mas informacion di bo boticario. E Inspectora di Remedi ta compronde cu hopi pashent lo tin pregunta y/of preocupacion, pero kier pidi tur pashent pa no stop di bebe nan remedi. Semper consulta cu bo botica. Inspectie Volksgezondheid Aruba lo informa pueblo di cualkier cambio na su debido momento.

E carta di e compania farmaceutico y e lista completo di e batchnan (chargenummers) cu a saca for di mercado por haya aki bou. 

Recall brief Losartan Apotex HCTZ 20190314