Algun luna atras DNM y FPNA a informa cu algun coral den area di Boca Catalina lo ta afecta pa e malesa "Stony Coral Tissue Loss disease". A realisa algun sondeo den cual a resalta cu un cantidad di ‘star corals’ y ‘brain corals’ tawata den un estado critico pero no por a determina si ta trata di Stony Coral Tissue Loss disease.
DNM y FPNA a institui un ‘werkgroep’ y a planea training cu centro di buceo pa monitor e coralnan den otro area.
Kico a haci?
E werkgroep ta consisiti di FPNA, BRA, Directie Scheepvaart, DLVV y hunto a traha riba un Standard Operating Procedure (SOP) pa prepara di antemano pa posibel yegada di Stony Coral Tissue Loss Disease na Aruba. DNM y FPNA ta den contacto continuo cu partnernan regional y internacional manera Atlantic and Gulf Rapid Reef Assessment (AGGRA) y ‘MPA Connect’ pa determina e condicion di e coralnan. Lastimamente, na Boneiro y Corsou ya a raporta e malesa.
Conhuntamente cu Ministerio di Naturalesa (MinTINO) a traha un video di demostracion con pa decontamina ekiponan di buceo y snorkel pa preveni posibel contagio di un sitio pa otro. Pronto lo anuncia e workshops pa buceadonan.
DNM y FPNA ta invita esnan cu ta snorkel, pisca y comunidad completo pa asisti na e anochinan informativo, na unda lo elabora riba e malesanan di coral cu ta presente den Caribe y con pueblo por yuda combati esakinan.
Lo tin 2 anochi informativo riba:
- 4 di mei na MFA Paradera for di 7:00 or pa 8:30 or di anochi;
- 5 di mei na MFA Savaneta for di 7:00 or pa 8:30 or di anochi.
Pa mas informacion por tuma contacto cu marinepark@arubanationalpark.org
Share this page