Invitacion na pueblo en general y particularmente nos hobennan pa bishita nos Museo Arkeologico

MANA ta contribui grandemente na conscientisacion di nos cultura y tin un contribuccion balioso na educacion specialmente di nos hobennan. E exposicion permanente tin mas cu 10.000 artefacto di historia di Aruba. E hobennan ta cera conoci cu e coleccion grandi di varios artefacto cu tabata ser uza den pasado, e manera di biba y e parti spiritual di nos antepasadonan.

Actualmente MANA ta hospeda e exposicion internacional temporario ‘Lasonan Caribeño’ hendenan conecta antes y awor, cu ta habri te october 2020.

MANA su personal ta traha cu hopi dedicacion pa conscientisa e balor y importancia di e herencia arqueologico di Aruba. MANA ta organisa entre otro tour y programanan educacional pa nos hobennan tocante nos herencia cultural arqueologico.

MANA ta conserva nos herencia cultural y ta siña nos di unda nos ta bini y ken nos ta.

Ta invita pueblo en general y specialmente nos hobennan y turistanan pa haci MANA un bishita.

Entrada ta gratis.