Introduccion regla y condicion nobo pa otorgamento di tereno

E reglanan y condicionnan ta:

1. Entrante 1 di september 2019,  pa un persona por pone un hipoteca of seguro pa garantisa e erfpacht pa por pasa esaki na un tercer persona, cu no ta un instituto financiero bou di supervisión di Banco Central di Aruba, mester tin un aprobacion prome di Minister di Desaroyo Teritorial, Infrastructura y Medio Ambiente.
2. Entrante 1 di september 2019, no por traspasa e accionnan (aandelen) di un persona huridico (rechtspersoon) den propiedad economico (economisch eigendom), como tampoco ta permiti pa endueda aandelen den un compañía cu tin tereno publico cu ta erfpacht sin permiso prome di e Minister y Desaroyo Teritorial, Infrastructura y Medio Ambiente.
3. No ta necesario pa haci peticion directamente na Minister, sino por entreg’e na Departamento di Infrastructura y Planning (DIP), unda por entrega e peticion si en caso kier pone hipoteca of seguro pa garantisa e erfpacht, como tambe si kier traspasa of empeña (verpand) e accionnan na un tercer persona.