Introduccion di sistema nobo di registracion pa facilita exportacion di producto di origen

Dit item is gearchiveerd op 21-02-2020.

Introduccion di sistema nobo di registracion pa facilita exportacion di productonan di origen

Ehempel di e prome pagina Formulario peticion pa registra como exportado registra Sistema REX.Departamento di Aduana kier acentua cu desde e fecha aki solamente via e sistema digital di REX por exporta producto di origen Aruba bou di e arreglo preferencial (LGO-besluit).

Cu introduccion di REX, e Certificado di Origen ‘EUR1 certificate’ ta bira obsoleto.

Ehempel di e dos pagina Formulario peticion pa registra como exportado registra Sistema REX.Proceso

Exportadornan cu ta desea exporta producto pa Europa y kier haci uzo di e tarifanan preferencial mester haci un peticion na Departamento di Aduana pa registra den e sistema REX. Tambe por haci un pre-registracion online door di yena e formulario riba https://customs.ec.europa.eu/rex-pa-ui/ y print, firma, scan y email e documento pa info@douane.aw pa asina por inicia e proceso, pero mester entrega e documento original  na Departamento di Aduana.

Beneficio

E sistema nobo REX ta acelera e procedura na Aduana. Unabes cu aproba registracion di e exportador e por keda uza e mesun number di REX. Cu esaki e por traha su mesun Prueba di Origen (Attest van Oorsprong), pa cada bes cu e mester di exporta producto. E Prueba di Origen ta simpel y facil pa traha.

Reglanan

E mesun reglanan pa determina origen di e producto ta keda vigente. E exportador ta responsabel pa emiti e documentacionnan corecto pa verifica e origen di e productonan. Tambe e mester cumpli cu e procedura di Aduana y ta keda responsabel pa e transporte di e productonan pa Europa.

Por haya mas informacion riba www.douane.aw of por yama Sra. Carondina Leijdekkers of Sra. Eliane Riley na 523 8888.

Minister di Finansa, Asunto Economico Y Cultura, Mr. Xiomara Maduro ta gradici e funcionarionan di Departamento di Aduana cu a traha duro riba e proyecto di REX pa asina por a introduci esaki na Aruba

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options