Introduccion coördinatie centrum mensenhandel mensensmokkel (CMMA)

ORANJESTAD -   Coördinatie centrum mensenhandel mensensmokkel (CMMA) kier introduci su mes na pueblo di Aruba.

CMMA) en Janiro ‘Ataniro’ Eisden tijdens lancering van de jingle van CMMA. Jeanette Richardson-Baars di e Centro di Coordinacion pa asuntonan di Traficacion y Contrabanda di Hende (CMMA) y Janiro ‘Ataniro’ Eisden durante lansamento di e jingle di CMMA.Centro di Coordinacion pa asuntonan di Traficacion y Contrabanda di Hende (CMMA) ta e punto central pa tur cos cu ta relata na e crimen di Traficacion di Hende (Mensenhandel) y Contrabanda di Hende (Mensensmokkel) na Aruba. CMMA ta existi pa ricibi y duna informacion, educa pueblo door di training y campañanan y asisti victimanan di traficacion.

For di 2007 gobierno di Aruba a declara cu e bataya conta Traficacion y Contrabanda di Hende ta hopi importante y na aña 2008 Aruba a haya su Coordinador Nacional contra Traficacion y Contrabanda di Hende. Hopi progreso a wordo haci y Aruba a logra mas cu un reconocimento internacional pa e trabounan cu nos a haci na beneficio di combatimento di e crimennan aki. A crea un Taskforce pa duna gobierno di Aruba conseho y un Unidad specifico na Korps  Politie Aruba (KPA) pa investiga casonan.

Jeanette Richardson-Baars di e Centro di Coordinacion pa asuntonan di Traficacion y Contrabanda di Hende (CMMA) y Janiro ‘Ataniro’ Eisden. CMMA kier introduci su mes cu un ‘jingle’ cu ta splica ken nos ta, kico nos ta haci y con por comunica cu nos. E conocido Janiro ‘Ataniro’ Eisden a traha e jingle door di y a wordo publica via social media. Nos ta pidi bo persona encarecidamente pa yuda nos comparti e mensahe aki via bo medio. Hunto nos por logra combati e tipo di crimen aki ariba nos dushi Aruba.

Por comunica cu CMMA via E-mail: info@cmmaruba.com of via Facebook.  https://www.facebook.com/cmmaruba/ Pa cualkier pregunta por contact 5975223 (oranan di oficina) y pa yudansa urgente por contact 5923231 (hotline 24/7).

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options