Informadornan ta papia cu gobernador tocante progreso encargo di informacion

ORANJESTAD - Gobernador di Aruba Su Excelencia Alfonso Boekhoudt, riba diaranson 8 di juli 2021 a ricibi señor Eddy Werleman y señora Tisa LaSorte pa un audiencia na Gabinete di Gobernador.

Durante di e combersacion a informa Gobernador tocante e progreso di e encargo di informacion cu nan a ricibi dialuna ultimo. Durante di e ultimo dianan e informadornan a averigua cua posibilidad tin pa formacion di un gabinete stabiel cu tin confiansa di un mayoria mas amplio posibel den Parlamento.

For di e combersacionnan a resulta cu por forma tal gabinete. E partidonan politico Movemento Electoral di Pueblo (M.E.P.) y RAIZ awe a firma un declaracion di boluntad (‘bereidwilligheidsverklaring’) den cual nan ta declara cu nan ta dispuesto pa conhuntamente forma un gobierno di coalicion pa e periodo 2021 – 2025.

Potret: © Kabinet Gouverneur Aruba

Edificio Gabinete Gobernador Aruba

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options