Informacion pa studiante cu ta bay biba na Hulanda

Stiching Kompas for Students ta presenta ‘Hulanda 101’, un sesion cu ta tuma lugar dia 19 december na biblioteca na Playa. ‘Hulanda 101’ ta un sesion informativo y interactivo pa cuminsa prepara studiante cu ta bay studia na Hulanda. E sesion aki ta tuma lugar di 5pm pa 7pm, ta completamente gratis.

Pa prome biaha en persona na Aruba, ‘Hulanda 101’ ta cubri e topiconan mas importante pa e periodo di preparacion manera vivienda, escohencia di estudio, seguro medico, prestamo y 3 tip esencial pa sobrevivi como studiante na Hulanda. 

‘Stichting Kompas for Students’ ta un fundacion Hulandes crea door di studiante Arubiano. Nan meta ta pa guia y sostene studiante den nan preparacion pa studia afo y durante nan prome aña na Hulanda.

Durante e trayectoria aki nan ta brinda diferente tayer y actividad riba topico manera salud mental, finansa, nutricion y hopi mas.