Inauguracion tugboat Colorado

A toca Minister di Finansa, Asuntonan Economico y Cultura mr. Xiomara Ruiz Maduro e honor pa hunto cu Minister di Turismo, Salud Publico y Deporte Sr. Dangui Oduber inaugura e tugboat Colorado.

Adkision di tugboat Colorado ta encera un inversion di casi 14 miyon florin. E ta di gran beneficio pa nos sector turistico y comercio.

E modelo nobo  ASD Tug 2811 ta actualmente e tugboat mas moderno den region di Caribe, cu e forsa y ekipo moderno necesario pa por brinda un excelente servicio na barco crusero y di carga cu ta frequenta nos Pais.

Un tugboat ta un herment basico y necesario pa un bon servicio portuario. Pa largo tempo APA tabata lease servicio di tugboat di otro compania. Awor APA ta conta cu su mesun tugboat Colorado p’asina por cumpli cu e demanda cu turismo y comercio ta trece cune.