Inauguracion di unidad di control di cacho Dog Control Unit

Dit item is gearchiveerd op 15-05-2021.

ORANJESTAD - Diaranson 14 di april, 2021, a inaugura e Unidad di Control di Cacho ‘Dog Control Unit’.

Na juli aña pasa a habri e Centro di Control di Cacho  pa atende e problema serio di cacho riba caya.  

Inauguracion di unidad di control di cacho Inauguracion di unidad di control di cacho Minister President cu tabata presente durante einauguracion a expresa cu den e tempo cu a transcuri desde aña pasa te cu awe, cosnan positivo a pasa. E aspecto mas importante den full e proceso ta cu a elimina e asina yama “kill cage”. Na su luga nos tin e “Centro di Control di Cacho” aki. Un luga bao di un maneho responsabel, caminda, apesar cu doñonan ta trece nan mascotanan indesea, e gran mayoria di e mascotanan ta wordo brinda un segundo oportunidad.

Awor finalmente tin un “Dog Control Unit”, un Unidad di Control di Cacho. E unidad aki su tarea principal ta pa pasa recoge e gran cantidad di cachonan cu ainda ta cana los, tanto esnan cu doño, como esnan sin doño. E meta ta pa reduci e cantidad di cachonan riba caya te na un cantidad cu no ta causa molester y cu no ta forma peliger pa e cachonan mes ni pa nos muchanan, nos deportistanan, nos automobilistanan y tampoco pa nos turistanan. E cachonan aki lo wordo hiba na e Centro di Control di Cacho pa wak si ta logra reuni nan cu nan doño.

Inauguracion di unidad di control di cacho Inauguracion di unidad di control di cacho Ta importante pa remarca cu cacho y pushi morto ta keda trabou pa Serlimar y no por yama e Unidad di Control di Cacho pa recoge bestianan aki morto riba caya.

Piki cacho cu ta cana los lo no ta e unico meta. E Unidad di Control di Cacho lo ta tambe un Unidad cu lo controla e supervision y cumplimento di entre otro nos Ley di Cacho cu ta na vigor desde 2015. E ta un cooperacion entre Cuerpo Policial y Bureau City Inspector. E vehiculo aki, ta un van cu Minister di Husticia a facilita y cu awe e ta entrega simbolicamente na Bureau City Inspector, pa por eherce e funcion aki. Si e unidad recoge un cacho for di caya y ta resulta cu e cacho tin doño, esaki por tin consecuencia pa e doño a base di su responsabilidad segun e Ley di cacho. P’esey ta conseha doñonan di cacho pa percura pa nan cacho ta den cura.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options