Inauguracion di proyecto QR FIT

Dit item is gearchiveerd op 29-12-2022.

ORANJESTAD – Riba 29 di november 2022, Ministerio di Turismo, Ministerio di Deporte y Aruba Tourism Authority a lansa un proyecto innovativo cu ta fit den e vision y maneho di turismo y den e caso aki di salud tambe.

Inauguracion di proyecto QR FITE proyecto aki yama QR FIT. E ta un proyecto caminda localnan y turistanan pa medio di nan telefon, por scan un QR code cu lo ta accesibel riba e caminda di Boardwalk Malmok y nan lo por scoge diferente ehercicio.

Inauguracion di proyecto QR FITManera bo scan e QR code, esaki ta mandabo di biaha pa un website unda bo por haci ehercicio for di e pagina web mes of bo tin opcion pa bo baha un aplicacion. Tin diferente categoria, esta beginner/intermediate /advanced y 60 diferente ehercicio. Tur dia lo tin uno diferente disponibel pa hende por scoge for di dje.

E proyecto aki di Boardwalk Malmok ta un super bunita proyecto financia cu fondo di TPEF, di cual fase 1 y 2 a conclui y awor ta bay cuminsa fase 3. Esaki ta un proyecto hopi uza pa localnan pero tambe turistanan. Awor cu lo ofrece e QRFIT ta  premira cu mas persona lo uza e area aki. Nos ta stimula prevencion den salud y e proyecto aki ta un manera pa motiva nos comunidad pa ta mas activo. E maneho di turismo ta dirigi riba e modelo high value low impact y proyectonan asina sigur ta fit den e categoria aki. Innovacion tambe ta central den nos maneho y hopi proyecto ta cay bou di e capa aki

Minister Oduber ta gradici Ibisa y ATA pa conhuntamente lansa un proyecto cu no solamente ta uno innovativo sino uno cu lo percura pa stimula mas hende haci uzo di boardwalk Malmok pa tin un comunidad mas activo y mas saludabel.

Inauguracion di proyecto QR FIT     Inauguracion di proyecto QR FIT     Inauguracion di proyecto QR FIT     Inauguracion di proyecto QR FIT     Inauguracion di proyecto QR FIT

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options