Inauguracion di ArtisA Gallery

ORANJESTAD – Recientemente a tuma luga inauguracion di ArtisA Gallery.

Minister di Cultura, Xiomara Maduro, tabata invitado na e inauguracion di e galeria di arte unico den curason di San Nicolas.

Minister di Cultura, Xiomara Maduro, na e inauguracion di e galeria di arte ArtisA den curason di San Nicolas.Minister di Cultura, Xiomara Maduro, na e inauguracion di e galeria di arte ArtisA den curason di San Nicolas.ArtisA tin como meta pa ehecuta proyectonan, local y internacional, na un publico amplio. Un di e proyectonan di mas popular te cu awor ta e Aruba Art Fair caminda cu artistanan local y internacional ta haya e oportunidad pa crea arte riba e murayanan den e districto di San Nicolas, specificamente den e caya grandi. Aparte di esaki, ArtisA ta enfoca riba diferente otro evento, proyecto, paseo y e galeria mes cual tabata un deseo di algun aña caba di e creador Tito Bolivar.

Durante e anochi aki, a invita esnan presente pa descubri e mundo di Elvis Tromp, un artista local sumamente talentoso na cual a dedica e inauguracion aki. ‘Discover the World of Elvis Tromp thru a Culinary & Art Experience’ tabata e inauguracion y tambe e concepto cual ArtisA Gallery lo sigui cune, sperando asina di por atrae invitadonan pa bin conoce no solamente e artista su arte, pero tambe conoce e persona mes mas di cerca a traves di su cumindanan faborito. Pa esaki, chef Makaveli a prepara un ‘5 course dinner’ pa asina transmiti locual ta e gustonan di Elvis y crea un experiencia unico y diferente pa tur esnan cu tabata presente.

  Minister di Cultura, Xiomara Maduro, na e inauguracion di e galeria di arte ArtisA den curason di San Nicolas.  Minister di Cultura, Xiomara Maduro, na e inauguracion di e galeria di arte ArtisA den curason di San Nicolas.  Minister di Cultura, Xiomara Maduro, na e inauguracion di e galeria di arte ArtisA den curason di San Nicolas.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options