ImSan ta converti den un hospital cu 22 camber

Dit item is gearchiveerd op 14-05-2021.

ORANJESTAD – Riba 12 di april 2021, a tuma luga e apertura oficial caminda a converti Instituto Medico San Nicolas (ImSan) den un hospital di 22 camber pa estadianan corto.  

Apertura ImSan hospital door di Prome Minister, mr. Evelyn Wever-Croes, Minister di Turismo, Salud Publico y Deporte, y director di ImSan dr. J.R.Rajnherc. Prome Minister, mr. Evelyn Wever-Croes den un di e kambernan di ImSan hospital.Minister Dangui Oduber a expresa den nomber di Gobierno con contento, satisfecho y orguyoso e ta cu ImSan su vision y su desaroyonan pa loke ta trata cuido medico na Aruba. Esaki ta cuadra cu e vision di Gobierno di Aruba cu ta pa mehora e calidad di cuido na Aruba y como tambe crea un plan sostenibel pa Aruba pa asina e fondonan di AZV ta sostenibel pa den futuro

E proyecto completo di ImSan ta conta cu un inversion di mas o menos 60 miyon florin.  E expansion y renobacion di ImSan a percura pa genera 50 cupo di trabou nobo.

Trahado ImSan hospitalE proyecto den su totalidad a encera un afdeling di Radiotherapie, Esaki ta nifica cu pashentnan residencia aki na Aruba no lo mester bay mas den exterior pa esaki.

Tambe a bin cu afdeling Radiologie, aki ImSan tin tambe awor un mashin di CT Scan y 2 mashin pa haci echo.

Director di ImSan dr. J.R.Rajnherc A bin cu un Oogpolikliniek na ImSan cu ta haci posibel pa entre otro tur specialistanan di wowo aki na Aruba por traha central na ImSan cu equiponan nobo di wowo. Caminda ya caba varios operacion di retina a keda realiza.

ImSan tin awor su mesun sala di operacion cu e mashinannan mas avansa, lo haci narcose na Imsan mes ya cu nan tin nan mesun anestesista. Banda di esaki ImSan tin tambe awor un Afdeling Sterilisatie van medische instrumenten cu ta percura pa tur intrumento keda limpi y sterilisa.

ImSan tin su propio Spoed Eisende Hulp cu cambernan pa ricibi adulto y tambe tin un camber special pa atende cu mucha.

Manera conoci, ImSan ta traha conhuntamente cu Baptist Health International pa garantisa proceduranan medico riba nivel di calidad halto y asina percura pa ImSan ricibi acreditacion internacionalmente for di “Joint Commission International Accreditation” (JCI).

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options