IMSAN lo amplia su servicionan (gearchiveerd)

Actualmente IMSAN ta duna ayudo policlinico na patientnan for di tur parti di Aruba. Nan ta scoge pa bini San Nicolas pa casonan simpel p’asina no tin cu warda hopi. Ta e intencion pa pone e laboratorio funciona 24 ora pa dia enbes di solamente di dialuna pa diabierna.
Tambe tin plan pa pone un servicio pa oncologia na San Nicolas cu lo sirbi henter Aruba y lo no tin mester di manda patient mas pa exterior pa radioterapia pa combati cancer. E servicio aki lo ta disponibel tambe pa patientnan di otro islanan den Caribe.
E intencion ta pa den futuro IMSAN ta dispone di un seccion di cirugia.
IMSAN lo bay tuma over e clinica di dialyse y lo mehora e servicio pa patientnan diabetico.
Lo amplia e servicio di Eerste Hulp, hacie un centro di emergencia cu lo por atende hopi mas patient den cooperacion cu Hospital. Asina lo por disminui e cantidad di hende cu ta bay Hospital pa caso di emergencia.