Imsan a celebra ‘Ring Bell Ceremony’

Ainda por recorda cu dia 2 di april di aña 2020 e afdeling di radiotherapia a trata nan prome pashent y na 11 di november di aña 2020 e di 100 pashent.

Henter e masterplan di expansion di ImSan a cuminsa oficialmente na april di aña 2018 y tabata un inversion grandi di 60 miyon florin. Den e masterplan a percura pa bin cu un departamento di radiologia cu su CT-Scan, a bin cu un departamento di policlinica di wowo caminda ta haci operacion di retina.

Ademas a construi salanan di operacion cu mashinnan avansa, cu ImSan su mesun anestesista pa asina haci operacionnan ey mes. Tambe a bin cu un departamento pa sterilisacion di ekiponan medico y converti ImSan den un hospital di estadianan corto cu 22 camber.

A bin cu un “Spoed Eisende Hulp” cu cambernan pa ricibi ambos adulto como mucha y claro sin laga afor e departamento di Radiotherapia.

Esaki a nifica cu pashentnan residencia aki na Aruba no mester bay mas den exterior pa esaki.  Na mes momento esaki lo reduci e costonan di AZV pa cu pashentnan cu ta wordo manda den exterior pa tratamento di radiologia. Tambe a percura pa pone 1 miyon florin di AZV disponibel pa percura pa e cambernan den ImSan bay den uzo pa pashentnan por pasa anochi na e hospital.

Prome Minister, Evelyn Wever-Croes y Minister di Salud, Dangui Oduber cu den nomber di Gobierno a felicita Dr. Joel Rajnherc y full team di ImSan Aruba y partners di Miami Cancer Institute y Baptist Health.