Implementacion y supervicion di ‘Landsverordening Beperking Tabaksproducten’

ORANJESTAD -  Despues cu e ley ‘Landsverordening Beperking Tabaksproducten’ a keda aproba den Parlamento unanimamente na aña 2021, a sigui e proceso di cambio di maneho y capacitacion di e personal cu lo bay supervisa e ley aki den practica.

Prohibi pa huma  E personal di Dienst Warenkeuring en Hygienne di Departamento di Salud Publico mester a sigui un Buitengewoon Opsporingsambtenaar Opleiding (BOA) cu recientemente nan a termina. E opleiding aki tawata di gran importancia y necesario pa e empleado cu ta bay controla e ley por traha procesverbaal (boet) na momento cu e encontra localidad of establecimento cu ta viola e ley ‘Landsverordening Beperking Tabaksproducten’.

Cu e ley aproba y empleadonan capacita cu por supervisa, a yega e momento pa implementa e ley. Entrante 1 di januari 2023 lo cuminsa implementa e ley y lo conta cu un periodo di transicion pa duna usuario di sigaria, comercio y comunidad completo e oportunidad pa adapta na e ley nobo. Despues di e periodo di transicion e departamentonan cu lo bay ta encarga cu supervision di e ley lo cuminsa controla su implementacion y por duna sancion (boet) pa incumplimento si ta necesario.

Den e simannan cu ta sigui Departamento di Salud Publico lo sigui informa riba contenido di e ley aki. Cu aprobacion di e ley aki, salud publico ta logra dal un stap grandi den direccion di prevencion y un futuro mas saludabel.

Hala rosea libremente, Landsverordening Beperking Tabakproducten ta na vigor.

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw.

E personal di Dienst Warenkeuring en Hygiene di Departamento di Salud Publico cu a termina cu a sigui un Buitengewoon Opsporingsambtenaar Opleiding (BOA) en conexion cu implementacion y supervicion di ‘Landsverordening Beperking Tabaksproducten’.     Huma ta malo pa bo salud.     

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options