IMF a publica su rapport riba e evaluacion financiero y economico di Aruba

Dit item is gearchiveerd op 11-04-2021.

ORANJESTAD – Riba 8 di maart 2021, den Conferencia di Prensa di Gobierno di Aruba, Prome Minister Evelyn Wever-Croes y Minister di Finansa, Xiomara Maduro conhuntamente a elabora riba e conclusionnan di e rapport di IMF riba e evaluacion financiero y economico di Aruba.

Esaki a keda publica dialuna mainta. Prome Minister a expresa su alegria despues di a repasa e rapport di IMF y haci e analisis di mision di articulo 4.

Gobierno tawata tin preocupacionnan pa motibo cu e pandemia a dal nos duro. IMF a publica e declaracion final di un trabou cu nan a haci e ultimo 3 simannan riba Aruba den cua IMF ta conclui cu Gobierno di Aruba a logra contene e efectonan di Covid-19  mas tanto cu ta posibel danki na un reaccion lihe cu a yuda pa contene e daño cu e pandemia a ocasiona.

IMF ta cuminsa cu bisa tambe cu Aruba su economia tabata ya caba bayendo den bon direccion prome cu e pandemia a dal. Nan ta indica cu Aruba tabata recuperando e economia especialmente door di turismo, ta indica cu tabata tin plannan ambicioso, fiscal financiero y tambe pa diversifica nos economia.

IMF ta constata tambe cu pa 2019 nos a yega tambe e target financiero hasta cu un margen mas comfortabel. IMF ta mira tambe con e efecto di Covid-19 tabata riba nos ecconomia cu a causa e recesion mas pisa cu Aruba a conoce, pero ta bisa tambe cu Gobierno a actua rapidamente cu e paketenan di alivio y di subsidio cu a wordo duna cu ta FASE, subsidio di salario, asistencia financiero na empresanan mediano y chikito y e sosten finaciero cu a duna na e fondonan di AZV y SVb no a kibra.

IMF ta indica tambe cu esaki a yuda pa contene e daño y efectonan cu e pandemia por a haci riba empresanan cu por a bay bancarota na unda mas hende lo a perde trabou y pa scapa bida di hende.

“Bisando esaki, mi ta sumamente contento cu IMF ta reconoce e esfuersonan grandi cu Gobierno di Aruba ta bin ta haciendo y IMF ta yega na e conclusion y bisa tambe cu e riesgonan bayendo padilantita exceptionalmente halto. IMF ta considera cu e pasonan y decisionnan cu nos mester bay tuma awor mester ta pasonan bon pensa pasobra nan ta bay ta hopi crucial. Ami ta bay interpreta esaki cu nan mester ta pasonan hopi responsabel y cu ta exigi hopi prudencia. Pero nos tin hopi confiansa mirando con nos a goberna e pais aki e ultimo añanan aki especialmente den aña di pandemia y nos lo logra esaki tambe.

Prome minister a gradici minister di Finansas Xiomara Maduro y su ekipo cu ta sostene, pa logra pasa e mision di articulo 4. Tambe a gradici tur colega Minister, departamento y instancianan cu a participa na e mission aki y na henter comunidad pa tur cooperacion y sosten,  

Por haya mas información den e rapport.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options