Hulpbestuurskantoor San Nicolas lo habri den edificio di RDA

Fin di october a tuma e decision pa cera Hulpbestuurskantoor San Nicolas pa motibo di falta di seguridad di empleado y di bishitante.

Den e edificio di RDA tin un espacio cu a  prepara specialmente pa ubica e HBK y empleadonan pa por cuminsa brinda servicio na San Nicolas.

Ta trata di un espacio hopi amplio, renoba, cu ta trece un ambiente di trabou nobo y caminda cu por duna servicio na comunidad di San  Nicolas un biaha mas.  

Aworaki ta pendiente di algun trabou cu mester finalisa, den curso di e siman akie nomber di HBK lo  poni na e edificio y lo cuminsa duna e servicio na e comunidad di San Nicolas.