Hospice Atardi ta celebra su di 4 aniversario

ORANJESTAD – Riba 17 di november, minister di Turismo & Salud Publico, Sr. Dangui Oduber, y minister di Transporte, Integridad, Naturalesa y Asuntonan di Adulto Mayor, Sr. Ursell Arends, tabata presente na celebracion di Hospice Atardi su di cuater aniversario. 

Na Hospice Atardi ta ofrece cuido den ambiente di hogar. Un team di boluntario, enfermero y dokter di cas ta duna cuido y sosten na personanan cu un malesa severo pa cual no tin cura mas y cu a yega nan etapa final di bida. 

Na hospice tin cuido 24 ora pa dia. E boluntarionan cu ta yuda cu cuido personal ta haci loke famia na cas tambe lo haci por ehempel compaña e huesped, yuda cu su cuido personal diario, scucha y combersa cu e huesped y tambe cu su famia y tambe t’ey pa e huesped na momento cu su pareha, famia of amigo no por t’ey.

Hospice Atardi no lo por ta un realidad sin e enfermera/o cu ta traha tur dia eynan pa duna cuido y guia. P’esey ta gradici tambe tur persona cu ta haci trabou di boluntario. “Emocionalmente e ta un trabou hopi pisa y ta pisa hopi riba cada un di e personanan cu ta duna e cuido aki, asina ta danki pa e esfuerso”, Minister Oduber a remarca.

Tambe minister Oduber y Arends ta gradici cada un persona cu ta haci Hospice Atardi un realidad y kier dunanan pabien un biaha mas cu nan di cuater aniversario. Cualkier persona cu tin interes pa haci trabou di boluntario por pasa na e hospice  na Noord Cura Cabai 147 of yama 5840085.

Hospice Atardi ta celebra su di 4 aniversario.  Hospice Atardi ta celebra su di 4 aniversario.  Hospice Atardi ta celebra su di 4 aniversario.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options