Hofi den bario 55+

ORANJESTAD -  Fundacion Movemento Ta Bida (FMTB), den su proyecto Hunto Grandi, Grandi Hunto ta anuncia cu lo bay start cu e proyecto di "Hardineria".

Esaki ta un di e peticionnan cu a resalta den e encuesta pa haya sa kico ta e deseonan di nos adultonan mayor,  hunto cu "Desaroyo Digital", cual proyecto ya a conclui y por bisa tawata un exito rotundo.

Hofi den bario 55 +Den e proyecto di Hardineria, ta duna preferenia na adultonan di 55 - 60+ pa nan por sali for di cas pa un par di ora y encontra cu otro den un otro ambiente.  Alaves haciendo algo nobo p'afo di cas.  Esaki lo ta na tereno cu conhuntamente cu Cas Sjabururi a pone disponibel pa Fundacion Movemiento ta Bida. E proyecto aki sigur lo tene e curpa y e mente activo, cualnan sigur ta e meta di FMTB.

Tin algun exigencianan  cu lo mester por cumpli cu ne, e.o.:

  • Experiencia basico den Hardineria
  • Por traha independiente
  • Transporte propio
  • Mester tin tempo, parti mainta
  • Hofi lo ta habri di dialuna-diadumingo 6:00 - 10:00am
  • Habri pa hende homber y hende muher

Pa inscripcion yama na 641 9272 di 9:00 - 11:00am, pa bo no perde e oportunidad unico aki.

Mester tene na cuenta cu cantidad di participante ta limita, pa motibo di e situacion reinante di COVID 19.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options