Hobennan di 12 te cu 15 aña cu condicion di salud tambe ta cuminsa vacuna contra COVID-19

Dit item is gearchiveerd op 25-07-2021.

ORANJESTAD - Entrante diaraonson 23 di juni, DVG a cuminsa vacuna hobennan di 12 te cu 15 aña cu ta sufri di cierto enfermedad of condicion di salud.

E hobennan cu ta sufri di e siguiente enfermedadnan of condicionnan di salud por yama 280-0101 of 522-4200 pa registra pa un cita.

E condicionan di salud cu un hoben di edad di 12 pa 15 anja por tin pa asina vacuna ta:

  1. Pashent cu condicion grave di nan via respiratorio/pulmonnan (p.e. astma);
  2. Pashent cu condicion chronico di nan funcionamento di nan curason;
  3. Malesa di curason: arritmia of cu a wordo opera di curason, of cu a haya ataca di curason;
  4. Hoben cu diabetes mellitus ( tipo II) of insulin-dependiente (tipo I);
  5. Pashent cu desfuncion grave di rion of cu ta dialisa;
  6. Vacunacion hoben 12 – 15 añaCondicion di salud debil debi na malesanan of tratamento medico; por ehempel hoben cu a haya recientemente transplante di beenmerg, hoben cu HIV-AIDS, hoben cu nan “spleen” a wordo kita, esnan cu a keda cu condicion di salud debil door un “autoimmuneziekte” of cu ta haya tratamento pa esaki door medicamento inmunosupresor of hoben cu leukemia (cancer den sanger) y hoben cu ta hayando chemoterapy of bestraling;
  7. Hobennan edad di 12 te cu 15 aña cu ta uza salicylaten pa largo tempo (b.v. problemanan di tripa cronico;
  8. Pashent cu ta cliente cerca institutonan pa personanan  mentalmente handicap;
  9. Pashent cu un deficiencia inmunologico of bou tratamento cu ta causa supresion di e sistema inmunologico;
  10. Hobennan cu e sindrome di Down;
  11. Hobennan cu obesidad di grado 2 of mas halto;
  12. Casonan individual na unda efectonan adverso significativo directo of indirecto pa salud lo por sosode y pa lo cual e medico por indica vacunacion; 
  13. Hobennan saludabel den e contexto di “herd immunity”, mane compañe di cas cu ta biba cu mucha of adultonan cu ta grupo di riesgo medico, esnan cu no por haya vacuna pa motibo medico of cu nan no ta suficientemente proteha despues di e vacunacion debi na un deficiencia inmunologico.

Mayor di e hoben cu tin duda si e hoben ta cay den e grupo di riesgo aki, por tuma contacto cu nan dokter di cas of specialista. Pa vacuna, e persona por yama DVG na number 280-0101 of 5224200 pa haci un cita. No ta necesario pa presenta cu un verwijsbrief di dokter na e prikpost. Si ta necesario cu e persona ta presenta cu un mayor of voogd.

Solamente persona di 12 te cu 15 ana cu ta cay den grupo di riesgo aki, lo por wordo vacuna pa e momentonan aki.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options