Henter comunidad ta cordialmente invita pa duna famia real un caluroso bon bini na Aruba

ORANJESTAD - Prome Minister Evelyn Wever - Croes a reuni cu e comision cu a instala pa prepara pa e bishita Real, pa ricibi update di locual e programa ta encera.

Rey Willem Alexander, Reina Maxima y Prinses Amalia lo ta bishitando Aruba dianan 30 di januari, 31 di januari. Na ocasion di e bishita aki a instala un comision di bon bini pa perpara tur detaye di e bishita Royal.

Prome Minister Evelyn Wever - Croes a reuni cu e comision cu a instala pa prepara pa e bishita Real.Prome Minister Wever - Croes a expresa cu e bunita di e programa ta, cu lo tin amplio oportunidad pa henter pueblo di Aruba por acudi y mira e famia Real, specialmente Prinses Amalia cu ta su prome biaha bishitando Aruba.

Sra. Nicole Hoevertsz cu ta lidera e comision bishita real 2023, a expresa cu a hinca un bunita programa den otro, cu diferente oportunidad unda cu pueblo por saluda e famia Real.

Prome Minister Evelyn Wever - Croes a reuni cu e comision cu a instala pa prepara pa e bishita Real.Programa bishita Real

Dia 30 di juni, Rey Willem Alexander, Reina Maxima y Prinses Amalia ta yega Aruba y lo sali for di aeropuerto y bay Wilhelminapark caminda lo tin un acto protocolario y Guardia di honor presenta pa Marina Hulandes y Arumil. Pa e actividad aki pueblo y principalmente e muchanan ta cordialmente invita pa duna e famia Real un caluroso bon bini.

Despues e Rey, Reina y Prinses lo cana bay Cas Ceremonial di Gobernador y topa cu Gobernador pa un reunion cortico y sigui na pia den direction di Parlamento di Aruba. Riba e ruta aki lo tin presentacion musical di Pierewietje riba Plaza Shon A. Eman, Leerorkest riba Plaza Shon Henny Eman pa e famia Royal y publico presente.

Despues di Parlamento, e famia Real ta cana bay Bestuurskantoor na unda nan lo topa cu tur Minister den un reunion un poco mas extenso den Sala di Conseho di Minister pa papia riba e desaroyo di Aruba.

Prome Minister Evelyn Wever - Croes a reuni cu e comision cu a instala pa prepara pa e bishita Real.Dilanti Bestuurskantoor e famia Royal y publico presente lo wordo entreteni pa C-Pop "Caribbean Pop Academy" bao direccion di Edselyn Figaroa. Despues di esaki e famia Real lo tin un momento pa nan por descansa y prepara pa bay San Nicolas.

E bishita na San Nicolas ta inicia na Filomena College caminda cu nan lo mira exposicion di Boy Ecury y despues nan lo cana den cayanan na San Nicolas pa bay museo, mira e pinturanan riba muraya y finalisa na Nicolaas Store. Eynan lo tin presentacion di arte, musica y baile pa un y tur. Riba henter e ruta aki, henter comunidad ta bon bini pa mira y saluda e famia Real.

Prome Minister Evelyn Wever - Croes a reuni cu e comision cu a instala pa prepara pa e bishita Real.Riba e di dos dia e Rey, Reina y Prinses lo tin activdad priva programa. Den oranan di atardi henter pueblo un biaha mas ta invita pa ta presente patras di "Cocolishi" riba Plaza Padu, caminda cu lo tin Bon Bini festival. E festival lo bay ta tuma luga riba henter plaza, acompaña cu diferente presentacion, pa nan cera conoci cu hopi mas di nos isla. Despues nan ta cana bay Fort Zoutman pa nan mira parti di e loke ta e Bon Bini Festival y despues lo wordo acompaña cu brassband na nan salida y asina termina oficialmente nan bishita na Aruba.

E siguiente dia 1 di februari parti mainta, nan ta sigui cu nan bishita den Caribe, rumbo pa Corsou.

Durante nan bishita, Rey Willem Alexander, Reina Maxima y Prinses Amalia a expresa di kier tin e contacto cu nos hendenan y experiencia cosnan di Aruba. Pa e motibo aki Gobierno di Aruba ta extende invitacion na henter comunidad di Aruba asisti cu e muchanan pa conoce e famia Real Hulandes. Ban mustranan e cordialidad cu nos conoce na Aruba, y ban duna nan un bon bini caluroso.”

Premier Wever - Croes ta gradici e comision cu ta haciendo un tremendo trabou den hinca ful e programa den otro pa e bishita Real.  Den e proximo dianan, lo repasa henter e programa pa sigura cu e bishita Real 2023 bay perfecto.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options