Heintje Ras a logra un record mundial di 100 dia den mina di fosfaat

Esaki ta un record mundial reconoci pa ‘Guiness World Book of Records”. E meta di e hazaña aki tawata pa recauda fondo pa su museo local. Su meta ta pa sigui desaroya esaki pa asina pueblo henter por disfruta di dje como tambe di e historia local cu e ta contene.

Pa celebra e momento historico aki, den nomber di Gobierno di Aruba, a otorga un plakaat na Heintje Ras, asina reconoce y celebra su logro.

Locual ta haci e logro aki aun mas impactante, ta loke a transcuri durante e 100 dianan aki.  A logra uni un pais uni pa un bon causa, sin importa nos diferencianan; manera color politico, unda como un comunidad, a duna Heintje Ras un apoyo masal.

Ta algo hopi bunita pa mira, specialmente den e momentonan dificil aki di crisis. E ta mustra cu nos tin e capacidad di berdad bin hunto como un pueblo, pa asina sigui progresa.