Guia pa hobennan di scol secundario despues di scol

Gobierno di Aruba ta kere cu un pais desaroya mester percura no solamente pa educacion pa mucha y hoben, pero tambe pa un bon formacion general. Ademas di esey tin un necesidad pa guia di hobennan despues di scol.
Gobierno di Aruba a forma un Grupo di Trabou yama Commissie Naschoolse Opvang Voortgezet Onderwijs cu tin cu traha un programa pa hobennan di scolnan secundario por haya guia di huiswerk, bijles y actividad extra curicular manera deporte, arte y formacion civico.
Durante su bishitanan den bario Prome Ministro Mike Eman a nota cu hopi hoben no tin supervision y guia na cas despues di scol y no tin e oportunidad pa haci algo productivo. Lo uza e experencia di Traimerdia pa bini cu un proyecto di guia pa e muchanan di scol secundario. E meta ta pa na augustus proximo cuminsa cu un proyecto piloto na cinco scol secundario na Aruba.
Como personal lo bay haci uzo di e recurso humano existente y capacita for di departamentonan publico. Lo mester capacita e personanan riba tereno di pedagogia y otro area p’asina e hobennan haya e oportunidad pa desaroya nan talentonan. Lo dedica hopi atencion na e formacion civico di e hobennan.