Graduadonan di Aruba a resalta den curso pa bira “wetgevingsjurist”

ORANJESTAD – Recientemente tabata tin un ceremonia di graduacion na Aruba Renaissance Convention Center, pa e 18 graduadonan como Certified Legislative Lawyer’.

E prome grupo cu a participa na e curso cu a dura mas of menos un aña di tempo, nan a ricibi nan diploma for di man di Minister di Husticia, Seguridad y Integracion, mr. Andin Bikker.

Presentacion Anouk Balentina.Miho graduado Valerie Wanga ta ricibi plakkaat di Minister di Husticia, Seguridad y Integracion, mr. Andin Bikker.Na Aruba tin un necesidad grandi pa mas hurista specialisa den traha ley y awor orguyosamente Aruba a haya 18 acerca.   

Practicamente tur area di sociedad ta reglamenta door di ley y tur plan di gobernacion ta encera introduccion di leynan nobo of cambio di leynan existente. P’esey ta importante pa amplia e cantidad di huristanan specialisa pa traha conceptonan di ley. Den e cuadro ey, desde presupuesto di aña 2018 Gobierno di Aruba a pone como un prioridad di maneho, creacion di oportunidad pa por train huristanan den e specialismo di traha conceptonan di ley. Esaki a bira un realidad a base di un cooperacion entre Caribbean Center for Legislation di Universidad di Corsou y Ministerio di Husticia di Aruba, cu establecimento di un 'Aruba Desk'.

E curso a start cu 47 participante di Corsou, Aruba y Sint Maarten y na final 40 a gradua. Di e participantenan di Aruba, 18 a keda cla y 2 tin e oportunidad pa pasa "her" pa ainda ricibi nan diploma.

E graduadonan di Aruba ta:

  1. Graduado Ilona Sneek ta ricibi plakkaat di Minister di Husticia, Seguridad y Integracion, mr. Andin Bikker.Helena Croes;
  2. Milko Baiz;
  3. Anouk Balentina;
  4. Vivian van der Biezen;
  5. Carlos Guiamo;
  6. Indra Duarte;
  7. Mireille Henriquez;
  8. Kitty Obergh;
  9. Giovanni Jacobs;
  10. Carondina Leijdekkers;
  11. Amanda Maduro;
  12. Jeannine Marsman;
  13. Zamira Paesch;
  14. Ilona Sneek.
  15. Valerie Wanga,
  16. Wendy op de Weegh,
  17. Margarita Werleman
  18. Jessica Winterdaal.

Graduado Milko Baiz ta ricibi plakkaat di Minister di Husticia, Seguridad y Integracion, mr. Andin Bikker.Graduado Carondina Leijdekkers ta ricibi plakkaat di Minister di Husticia, Seguridad y Integracion, mr. Andin Bikker.Minister Andin Bikker tabata mas orguyoso ainda di e grupo aki pasobra entre e participantenan di Aruba 4 a logra un "judicium". Dos a termina nan estudio cu e judicium "Met Genoegen", cu ta encera cu nan punto final ta un averahe di 7,5 y nunca a haya un punto mas abou cu 7. Esunnan di Aruba cu a logra esaki ta: Milko Baiz y Carondina Leijdekkers.

Dos participante a logra e judicium maximo di 'Summa Cum Laude'. Ta trata aki di Ilona Sneek y Valerie Wanga. Pa caba e curso cu e judicium aki, ta nifica cu nunca a haya un punto bou di 8,5 y un averahe di 9. Bale la pena informa cu den e caso di Valerie Wanga, e no kier a core ningun risico, pasobra el a logra puntonan manera 9,5 y nunca bou di un 9, cual a considera como un "werkelijk een verbluffend resultaat".

Nan tur cuater a ricibi un plakkaat di reconocimento for di Gobierno di Aruba, como muestra di aprecio pa nan esfuerso haci.

Entretanto a cuminsa e curso nobo cu un otro grupo di participante cu aki un aña tambe lo por ta un "wetgevingsjurist".

Graduadonan curso Wetgevingsjurist.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options