Gobierno di Aruba ta firma convenio cu defensie Hulanda basa riba landspakket

ORANJESTAD – Riba diabierna 12 di februari,  Gobierno di Aruba a firma un protocol cu Hulanda pa formacion social, tambe pa hobennan hende muhe.

Inscripcion proximo trayecto pa Formacion Social ta cuminsa 8 di maart 2021.Esaki ta e trayecto cu hobennan di 18 te cu 24 aña cu awor lo tuma luga dos biaha pa aña na Marinierskazerne. E ta yuda duna e hobennan cu ta participa nan un fundeshi di disciplina y responsalibidad den bida. Na final di trayecto mediante Departamento di Asunto Social cu intermediacion di DPL, lo percura pa nan por haya un trabou. 

Prome Minister Evelyn Wever-Croes a duna di conoce cu tin hopi “success stories” pa comparti.

Riba diabierna 12 di februari 2021, a firma un protocol cu Hulanda pa formacion social.Ademas a wordo acorda cu di awor en adelante ta dos biaha pa aña lo tin klasnan ta habri. Te ainda tabata un klas pa aña so. Esaki ta duna mas oportunidad pa mas hoben drenta e formacion aki.

Prome Minister a gradici Minister di Asunto Social y Labor Glenbert Croes pa su empeño, como tambe Commandant Art van Beekhuizen y Commandant Frank Boots. Esaki ta un convenio den e Landspakket entre Aruba y Hulanda. A logra amplia e trayecto tambe pa hende muhe. Aruba ta e prome pais den Reino cu tin e trayecto di formacion social pa hobennan hende homber y hende muhe.  

E proximo trayecto pa Formacion Social ta cuminsa 8 di maart 2021. Un y tur cu ta desea di haya mas informacion, of tin algun pregunta, por yama Jessica Ras na 522-5352.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options