HomeActualidadNoticiaGobierno di Aruba a reconoce gruponan folklorico y cultural cu a participa den encuentronan multicultural

Gobierno di Aruba a reconoce gruponan folklorico y cultural cu a participa den encuentronan multicultural

Dit item is gearchiveerd op 17-11-2022.

ORANJESTAD - Recientemente Prome Minister Evelyn Wever - Croes tabata presente na un ceremonia na Cas di Cultura, caminda cu a reconoce tur grupo folklorico y cultural cu a participa na e dos encuentronan multicultural di e ultimo añanan.

E encuentronan a enfatisa e importancia di dialogo y celebracion di diversidad multicultural. Banda di esaki,  na e ocasion a tuma un rato pa para keto y conmemora “Dia di Rasa”.

Ceremonia na Cas di Cultura, caminda cu a reconoce tur grupo folklorico y cultural cu a participa na e dos encuentronan multicultural di e ultimo añanan.Ceremonia na Cas di Cultura, caminda cu a reconoce tur grupo folklorico y cultural cu a participa na e dos encuentronan multicultural di e ultimo añanan.Entre esnan presente na e ocasion tabata representantenan di UNESCO, Cuerpo Consular, Director di Departamento di Cultura Aruba: drs Siegfried Dumfries, staf y personal di DCA, Gruponan di Folklore y Cultura di tur pais participante.

Prome Minister Wever - Croes a representa Minister di Finansa y Cultura, Xiomara Maduro cu pa motibo di biahe den exterior no por tabatey presente. Pero, den su nomber a gradici y honra tur participante y reconoce e contribucion, sosten y aporte cu cada uno a brinda na e dimension cultural di nos Pais. E reconocemento aki ta bin for di Ministerio di Cultura conhuntamente cu Departamento di Cultura Aruba. Cu e gesto aki, ta bisa danki na boso dedicacion y aplaudi e bon trabou haci pa realisa e prome y segundo edicion di “Encuentro Multicultural Aruba” cu a tuma luga riba 21 di mei 2021 y 2022 respectivamente. E encuentro multicultural ta relaciona cu e "Celebracion di Dia Mundial di Diversidad Cultural pa Dialogo y Desaroyo" declara pa UNESCO.

Ceremonia na Cas di Cultura, caminda cu a reconoce tur grupo folklorico y cultural cu a participa na e dos encuentronan multicultural di e ultimo añanan.Ceremonia na Cas di Cultura, caminda cu a reconoce tur grupo folklorico y cultural cu a participa na e dos encuentronan multicultural di e ultimo añanan.E trayectoria tras di e iniciativa di un encuentro multicultural ta data for di 2005. For di su inicio te cu awo, e proyecto a sigui crece y desaroya den un plataforma nacional cultural unda ta  facilita y encurasha participacion di diferente grupo, instancia y individuo E plataforma tin como meta pa inspira y fomenta intercambio cultural door medio di varios expresionnan artistico manera teatro, poesia, musica, baile folklorico y cultural y arte visual. Na aña 2021, den pleno pandemia, pa prome biaha a combina e “Encuentro Multicultural” cu celebracion di Dia Mundial di Diversidad Cultural pa Dialogo y Desaroyo. Simbolicamente, esaki ta mustra cu apesar di tur reto: hunto nos ta fuerte.

Prome Minister Wever -  Croes a duna danki na cada participante cu a deleita nos pueblo multicultural cu presentacion y expresion artístico. Na e ocasion Prome Minister Wever - Croes tambe a ricibi un reconocemento pa su sosten na cultura di Aruba

Ceremonia na Cas di Cultura, caminda cu a reconoce tur grupo folklorico y cultural cu a participa na e dos encuentronan multicultural di e ultimo añanan.     Ceremonia na Cas di Cultura, caminda cu a reconoce tur grupo folklorico y cultural cu a participa na e dos encuentronan multicultural di e ultimo añanan.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options