HomeActualidadNoticiaGobernador ta ricibi representante permanente di Reino Joke Brandt

Gobernador ta ricibi representante permanente di Reino Joke Brandt

Dit item is gearchiveerd op 11-03-2022.

ORANJESTAD - Representante di Reino Hulandes cerca Unionnan Uni na New York, señora Joke Brandt, e fin di siman aki ta cu bishita di trabao na Aruba.

Como prome cita oficial, riba diahuebs 10 di februari 2022 el a bishita Gobernador di Aruba, Su Excelencia Alfonso Boekhoudt. E Prome Secretario di Clima y Medio Ambiente, señor Kavish Bisseswar y e Representante Special di Asuntonan Exterior pa Aruba, Boneiro y Corsou, señor Roelof Buffinga, tambe ta forma parti di e delegacion. E audiencia a tuma luga na Cas Ceremonial di Gobernador y señora Jocelyne Croes y señora Ghislaine Nicolaas di Dienst Buitenlandse Betrekkingen a  acompaña e delegacion.

E bishita di trabao ta den cuadro di conocimento di e prioridadnan di Aruba relaciona cu temanan manera entre otro clima. Durante di e audiencia cerca Gobernador a papia tambe tocante e obstaculonan pa Small Island Development States (SIDS), manera Aruba, pa por ricibi ayudo financiero for di fondonan di organisacionnan internacional.

Potret: © Kabinet Gouverneur Aruba

Representante di Reino Hulandes cerca Unionnan Uni na New York, señora Joke Brandt y Gobernador di Aruba, Su Excelencia Alfonso Boekhoudt.     Bishita Representante di Reino Hulandes cerca Unionnan Uni na New York, señora Joke Brandt na Gobernador di Aruba, Su Excelencia Alfonso Boekhoudt.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options