Gobernador presente na huramentacion militarnan Arubiano

ORANJESTAD - Gobernador di Aruba, Su Excelencia Alfonso Boekhoudt, riba diabierna 21 di mei a realisa un bishita di trabou na Marinierskazerne Savaneda (MKSAV) den cuadro di un ceremonia di huramentacion.

Como ultimo paso pa oficialmente forma parti di ARUMIL, ocho militar a haci promesa of a huramenta, den presencia di nan famia.

Bishita di trabou Gobernador di Aruba, Su Excelencia Alfonso Boekhoudt, riba diabierna 21 di mei na Marinierskazerne Savaneda (MKSAV) den cuadro di un ceremonia di huramentacion.Bishita di trabou Gobernador di Aruba, Su Excelencia Alfonso Boekhoudt, riba diabierna 21 di mei na Marinierskazerne Savaneda (MKSAV) den cuadro di un ceremonia di huramentacion.Prome cu a yega na e momento aki, e militarnan a sigui un curso na Corsou. Despues di a finalisa esaki exitosamente na maart ultimo, nan a ricibi nan baret. Despues di un siguiente curso cortico mas nan ta finalisa e trayecto awe cu nan huramentacion. Cu esaki e militarnan ta hura pa lealtad na Rey Hulandes, obediencia na e leynan y sumision na e disciplina militar.

Na final di e ceremonia, Gobernador Boekhoudt a papia un rato cu e militarnan cu a huramenta, despues di cu a acompaña Gobernador pa A-1 pa su partida for di kazerne.

 Potret: © Gabinete di Gobernador di Aruba

   

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options