Gobernador di Aruba a test positivo pa COVID-19

ORANJESTAD – Gabinete di Gobernador di Aruba ta informa cu Gobernador di Aruba, Su Excelencia Alfonso Boekhoudt a haci un COVID-19 test diasabra pasa.

E resultado di esaki tabata positivo. Desde siman pasa diasabra 20 di maart, Gobernador Boekhoudt y su famia a bay den cuarentena preventivo na cas conforme regla di DVG. Esaki, debi cu un miembro di famia cu mester a biaha, a test positivo. Apesar di isolacion di e miembro di famia, Gobernador Boekhoudt tambe a test positivo y consecuentemente a bay mesora den isolacion.

Gobernador Interino, Su Excelencia Yvonne Lacle Dirksz, for di siman pasa ta encarga cu e tareanan di Gobernador Boekhoudt.

Gobernador di Aruba S.E. Alfonso Boekhoudt

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options