Gobernador Boekhoudt ta ricibi Presidente Hoofdstembureau pa audiencia

Dit item is gearchiveerd op 28-07-2021.

ORANJESTAD -En conexion cu e eleccion pa miembronan di Parlamento di Aruba riba diabierna 25 di juni 2021, Gobernador di Aruba, Su Excelencia Alfonso Boekhoudt, a ricibi presidente di Hoofdstembureau, señor Glenn Thodé, pa un audiencia na Gabinete di Gobernador diasabra mainta 26 di juni.

Gobernador di Aruba y señor Thodé a papia tocante e proceso di e eleccion. Tambe a informa Gobernador Boekhoudt tocante e resultado preliminar di e eleccion.

Dialuna mainta Gobernador ta inicia e proceso di formacion pa un gabinete nobo.

Potret: © Kabinet Gouverneur Aruba  

Gobernador di Aruba, Su Excelencia Alfonso Boekhoudt y presidente di Hoofdstembureau, señor Glenn Thodé.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options