Fundacion Movemiento ta Bida ta organisa e segundo edicion di Caribbean Aging Congress

ORANJESTAD – Recientemente Fundacion Movemiento ta Bida a anuncia cu despues di 5 aña nan lo ta organisando e segundo edicion di Caribbean Aging Congress cu lo tuma luga riba  1 y 2 di october 2022.

E meta ta pa duna e informacion necesario na tur e profesionalnan na Aruba riba locual ta e aspecto fisico y general ora ta trata cu adulto mayor.  

Conferencia di prensa Fundacion Movemento ta Bida.Logo Fundacion Movemento ta BidaE programa di Fundacion Movemiento ta Bida sigur ta cuadra cu e maneho di Ministero di Salud Publico cu ta  basa grandemente riba prevencion y ta sostene e iniciativanan caminda ta promove actividadnan fisico den tur edad di nos poblacion.Tin un plan nacional di prevencion di malesanan no transmisibel (Noncommunicable diseases - NCD’s) y un parti importante di e plan aki ta e parti di conscientisacion di nos comunidad. E programa ta dirigi riba e adulto mayor, pa mehora nan estilo di bida incorporando actividad fisico como parti di nan rutina diario.

Minister di Salud Publico Dangui Oduber ta remarca cu keda sin haci nada ya no ta un opcion mas. Aruba su poblacion ta pasando den un “vergrijzing” cu tur e consecuencianan cu esaki tin riba nos seguro medico general. P’esey e programa aki no ta solamente importante pero tambe necesario pa nos profesionalnan por ta mas consciente di nan trabou na momento cu nos adultonan mayor ta den nan man.

Banner Caribbean Aging Congress cu ta tuma luga  1 y 2 di october 2022.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options