Formador ta entrega acuerdo di gobernacion definitivo cerca Gobernaor

ORANJESTAD - Gobernador di Aruba, Su Excelencia Alfonso Boekhoudt riba diabierna 27 di augustus a ricibi e acuerdo di gobernacion firma for di señora Evelyn Wever-Croes.

Durante di e ultimo simannan, señora Wever-Croes den su rol como formador a reuni regularmente cu Gobernador Boekhoudt pa asina duna un relato di e progreso y implementacion di e encargo di formacion.

Riba diabierna 27 di augustus 2021, Gobernador di Aruba, Su Excelencia Alfonso Boekhoudt a ricibi e acuerdo di gobernacion firma for di formador señora Evelyn Wever-Croes.Aparte di entrega di e acuerdo di gobernacion, tambe formador a informa Gobernador Boekhoudt tocante e reparticion di cartera. Den e gabinete nobo, MEP lo haya seis minister, esta minister di:

  • Asunto General, Innovacion, Organisacion Gubernamental, Infrastructura y Planificacion Teritorial, alabes prome-minister;
  • Finansas y Cultura;
  • Husticia y Asuntonan Social;
  • Labor y Integracion;
  • Salud Publico;
  • Enseñansa y Deporte.

RAIZ ta haya dos minister, esta minister di:

  • Asunto Economico, Comunicacion y Desaroyo Sostenibel;
  • Integridad, Naturalesa, Transporte y Cuido di Grandinan.

Finalmente formador a haci entrega na Gobernador tambe di e documentonan den cuadro di screening di e ministernan nobo. Pronto Gobernador lo papia cu formador tocante e resultado di e analisisnan. Despues cu e proceso aki finalisa, lo huramenta e ministernan.

Potret: © Kabinet Gouverneur Aruba

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options