Formacion Social - SVT ta continua februari 2020

E proximo trayecto ta continua februari 2020 y por cuminsa inscribi di awor caba.

Inicialmente Formacion Social tabata concentra solamente riba hobennan cu no a termina un scol secundario y cu ta desea un di dos oportunidad den bida. Den transcurso di tempo e mandatario a constata cu tin basta hoben cu por ehempel tin diploma di MAVO pero cu asina mes no por haya trabou. Riba iniciativa di e mandatario y cu aprobacion di Luitenant Kolonel Sr. van Beekhuizen y Luitenant Sr. Kelly di Marina y Arumil, pa 2020 e hobennan aki tambe por inscribi y pasa e proceso di transformacion personal den SVT. Hobennan cu tin un diploma secundario tin e oportunidad di por uni nan mes na Arumil asina cu nan caba cu e trayecto, basta cu nan cumpli cu tur e exigencia- y rekisito.

Conhuntamente cu Marina y Arumil ta trahando riba un trayecto di formacion social similar pero cu enfoke riba mucha muhe. Ora cu esaki ta asina leu lo haci e anuncio oficial.

Di awor caba por inscribi. Cantidad di participante ta limita. Tuma contacto cu Jessica Ras di awor caba na number di telefon 522.5352 of via email info.formacionsocial@gmail.com.