Fiscal mayor nobo pa Aruba

Dit item is gearchiveerd op 11-04-2021.

ORANJESTAD - Señora mr. J.S. de Vries a keda nombra como fiscal mayor nobo pa Aruba.

Conseho di Minister a aproba su nominacion door di minister di Husticia mr. Andin Bikker.Saskia de Vries (63 aña) ta bin di Ministerio Publico di Hulanda. El a traha como fiscal desde 1995 y a traha na varios parket na Hulanda. El a traha tambe na Curaçao. E tin hopi experiencia den guia investigacionnan grandi di tur tipo di criminalidad organiza, fraude y corupcion.

Na e momento aki señora De Vries ta traha como consehero di Ministerio Publico na Sarajevo, capital di Bosnia y Herzegovina. Como consehero di ‘rule of law’, el a duna un aporte importante e ultimo añanan aki na e desaroyo di Ministerionan Publico den e parti west di Balkan. E lo usa su conocimento y experiencia den e tres añanan venidero pa benificio di Ministerio Publico di Aruba.

Fiscal mayor nobo pa Aruba mr. J.S. de Vries.         Di robes pa drechi; Procurador-general di Aruba mr. Bote ter Steege, Fiscal mayor nobo pa Aruba mr. J.S. de Vries y Minister di Husticia, Seguridad y Integracion mr. Andin Bikker.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options