Minister Wever a haci e peticion di financiamento na Caribisch Orgaan Voor Hervorming en Ontwikkeling ("COHO") den cuadro cu e implementacion di e reformanan economico di Landspakket.
Lo establece Aruba Fair Trade Authority como un organo independiente. E peticion pa financiamento na COHO ta regarda solamente e recursonan necesario pa ehecuta e plan di implementacion y plan di comunicacion pa e aña di implementacion 2022.
E gastonan structural pa AFTA desde e drenta den vigor nan 2023, ta presupuesta den e concepto di presupuesto Land Aruba 2023. Den e trayectorio di implementacion di 2022, un experto externo den autoridad independiente di competencia (mededingingsautoriteit) lo contrata ("ingehuurd") y lo apunta dos ambtenaar for di e aparato gubernamental pa hunto cu e experto externo den autoridad independiente di competencia, ehecuta e trayectorio di implementacion y e plan di comunicacion. E personal aki lo haya training di e experto externo den autoridad independiente di competencia y nan lo sigui stages tambe cerca Authority for Consumers and Markets (ACM) y e Fair Trade Authority Curaçao (FTAC) como parti di nan training.
E startformatie di e AFTA lo consisti di 3 FTE’s: un director y dos funcionario di supervision. E experto externo den autoridad independiente di competencia lo ta encarga cu e proceso di selecta e director y demas personal pa cuminsa traha na 2023 na AFTA.
“Trabounan importante den e fase di pre-implementacion a wordo haci door di Directie Economische Zaken, Handel en Industrie (DEZHI)" segun minister Wever. A pidi financiamento na COHO pa e "start-up costs" pa establece e organo independiente AFTA, den un solo biaha pa e implementacion den aña 2022, esta AWG 620.000 Florin. “E proyecto aki ta contribui fundamentalmente na un concurencia husto y ta den beneficio di comerciantenan y consumidornan”.
Share this page