HomeActualidadNoticiaFiesta di San Huan dia 24 di juni

Fiesta di San Huan dia 24 di juni

Dit item is gearchiveerd op 21-07-2019.

ORANJESTAD – Dia 24 di juni lo tin otro celebracion di fiesta di San Huan y Dera Gay cu un gran cantidad di actividadnan rond Aruba. Pero ta pidi atencion di tur hende pa tene cuenta cu cendemento di candela.

Tradicionalmente e fiesta tabata tin di haber cu fiesta di cosecha. Dia 23 di juni e cunukeronan ta cende tur sobra di cosecha na candela. Di e forma aki nan kier prepara tera pa e temporada nobo di cosecha. Dia 24 di juni ta dia di fiesta cu musica, baile, comemento etc. Diferente organisacion cultural, social y deportivo, ta tene eventonan pa publico.

Durante añanan a mantene e fiesta como expresion cultural, pero e cendemento di candela no tin relacion mas cu cosecha. Aruba tin hopi cas construi banda di otro y edificionan grandi y pues no tin hopi espacio pa e huma por plama. E huma ta bira un molester pa hende specialmente pa hendenan cu ta sufri di malesanan di pulmon, asma, hende grandi y baby. Tambe candela ta un peliger pa e edificionan rond, specialmente den e temporada aki cu biento ta supla basta hopi. Di su banda Bombero ta completamente prepara pa combati candela, pero toch ta suplica tur hende pa evita cendemento di candela. Cendemento di candela ta prohibi, peligroso y ta un molester pa otronan y e persona por haya un boet pisa.

Adhunto por haya e calendario di actividad Dera Gay 2019:

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options