Tabata tin varios tent, radio y television cu a transmiti e festival aki pa un y tur por a gosa di dje unda cu nan por ta. Sin conta cu varios famia, amigo y conocir a sa di yega masalmente na Plaza Betico pa apoya nan artista preferi riba locual a bira un di e tarimanan mas importante di e celebracion di nos Himno y Bandera.
Publico presente a sa di disfruta di tur locual e diferente tentnan tabata tin. Tambe e particpantenan a deleita e publico cu e miho cancionnan pa rindi honor na nos Pais cu ta celebra e di 47 aña di nos Himno y Bandera. Un produccion musical cu a conta cu un trabou profesional pa crea e miho escenario pa carga nos artistanan y duna e publico presente y Aruba un presentacion di calidad halto.
Minister di Cultura Xiomara Maduro ta gradici tur participante y esnan cu a yega na Plaza Betico Croes pa y a biba nos cultura e fin di siman aki durante e festival 'Un Canto pa Aruba su Himno y Bandera.'
Cultura bo tin cu bib'e.
Share this page