Facilidad Multi funcional den districto

E resultadonan di un encuesta realisa bou di habitantenan y diferente stakeholder a duna e informacion pa diseña e concepto di un facilidad multi funcional den cinco districto na Aruba. Tambe a wak e beneficionan di e proyecto similar sistema Hulandes
Un MFA lo reemplasa locual ta conoci actualmente como hulpbestuurskantoor den e districtonan di Noord, Paradera, Santa Cruz, Savaneta y San Nicolas.
Habitantenan di e districtonan menciona lo por haci uzo di diferente servicio na un MFA manera di Bevolking, Impuesto, ELMAR, WEB, AZV, FCCA, DIMAS y Biblioteca Nacional.Lo tin tambe servicio di internet pa studiantenan y otro interesadonan.
Un MFA lo ta habri durante dia y anochi unda e hendenan di e bario por topa otro.
E prome MFA cu lo wordo construi ta esun na Noord. Esnan encarga cu e maneho di MFA ta inventarisa e diferente gruponan cu ta activo den e districto manera gruponan social, educativo, religioso etc. cu lo por uza e facilidadnan despues di ora di trabou.
Stichting Onroerend Goed Aruba (SOGA) a pone un suma di 22.8 miyon pa construccion di cinco MFA.
Pa cubri gastonan di huur y mantencion den futuro, gobierno ta den deliberacion cu e companianan di utilidad pa di cada transaccion, un parti ta bay pa Gobierno.
Lo dedica atencion tambe na e formacion di e personal di cada MFA. Nan lo atende curso specifico pa nan trabou y tambe riba nivel di brinda servicio na e cliente.