Exprodesk ta invita nos comerciantenan pa participa na ‘Reaching New Frontiers!’

ORANJESTAD - Departamento di Asuntonan Economico, Comercio y Industria pa medio di su unidad Exprodesk y Minister di Economia, Comunicacion y Desaroyo Sostenibel, sr. Geoffrey Wever, ta invita tur empresarionan local y (futuro) exportadornan pa participa na ‘Reaching New Frontiers!’riba diabierna 11 november di 9.00 am pa 12.30 pm na Hilton Aruba Caribbean Resort & Casino.

E evento aki, cu ta conmemora e di 5 aña di existencia di Exprodesk, lo concentra riba informacion practico y extenso pa e participantenan riba ‘doing business’ cu e mercadonan den Norte America, Europa, Caribe y Asia.

E evento aki ta pa esnan cu tin interes den amplia nan negoshi den futuro riba mercado internacional, esnan cu kier combersa cu e expertonan for di e mercadonan di Norte America, Europa, Caribe y Asia riba oportunidadnan commercial, y esnan cu kier haya mas informacion tocante productonan traha na Aruba. Pa medio di e charlanan y despues e sesionnan Business2Business, lo haya informacion general y personalisa di expertonan commercial, empresarial, huridico, logistico y mas.

Participacion ta gratis. Solamente mester registra, pasobra e cuponan ta limita. Join nos y registra via e siguente link: https://cutt.ly/New-Frontiers

Exprodesk a inicia na Departamento di Asuntonan Economico, Comercio y Industria riba 11 di September 2017, pa promove exportacion. Exprodesk a sa di haci e tarea aki exitosamente cu seminarionan cu temanan al caso pa e exportador, proyectonan den cooperacion cu organisacionnan di diferente país (e.o. Hulanda, Colombia y Republica Dominicana), entrenamiento extenso di gruponan di enfoke pa un plan di exportacion y señalamento di retonan den e mundo empresarial pa un maneho di exportacion mas atractivo.

Riba 11 november benidero lo celebra existencia y exito di Exprodesk, durante un evento cu   Minister Geoffrey Wever lo inaugura oficialmente. Otro oradornan local y internacional durante e dia aki lo ta:

  • sr. Manuel Pila (experto mercado Norte America);
  • sra. Michelle Low Chew Tung (experto mercado Asia);
  • sra. Taiana Mora-Ramis (experto mercado Republica Dominica);
  • sra. Soelan Daal (experto mercado Europa);
  • sr. Sam Kruiner (experto mercado Caribe);
  • sra. Lay Hing de Kort-Yee;
  • sr. Frits Israel (expertonan riba exportacion).

Pa mas informacion por tuma contacto cu Sra. Sharon Meijer di Exprodesk na s.meijer@deaci.aw.

Sharon Meijer-van der Linden, Policy Advisor Foreign Economic Relations and Business Advisor Exprodesk, Departamento di Asunto Economico, Comercio and Industria.     Reaching New Frontiers!’ta tuma riba diabierna 11 november di 9.00 am pa 12.30 pm na Hilton Aruba Caribbean Resort & Casino.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options