HomeActualidadNoticiaExprodesk ta celebra 5 aña sirbiendo comercio

Exprodesk ta celebra 5 aña sirbiendo comercio

Dit item is gearchiveerd op 15-12-2022.

ORANJESTAD - Riba 11 di november 2022, Departamento di Asunto Economico su unidad cu ta specialisa den exportacio, esta Exprodesk, a celebra su di 5 aña di existencia.

Exprodesk ta brinda comerciantenan local cu ta – of tin ambicion pa – exporta cu asistencia, educacion, workshops y sosten en general ora ta encera haci negoshi cu paisnan den exterior.

Minister Geoffrey Wever tabata presente pa inicio di e evento celebratorio di Exprodesk su di 5 aniversario: Reaching New Frontiers.

Tabata tin presentacion di oradornan manera Mrs. Lay Hing de Kort-Yee y Mr. Frits Israel cu a elabora “Entering New Markets”. Tabata tin mesanan di informacion representado diferente region, entre otro: Estados Unidos, Republica Dominicana, Europa, Asia y Caribe.Aki tabata tin oportunidad pa haya informacion fiscal, legal y tambe general pa entrada comercial den e mercado.

Minister Wever ta gradici e unidad di Exprodesk y DEACI completo pa e trabounan na servicio di nos comerciantenan local, especialmente esnan cu tin ambicion pa exporta. Pabien na Exprodesk cu nan 5 aniversario.

Exprodesk, a celebra su di 5 aña di existencia.    Exprodesk, a celebra su di 5 aña di existencia.    Exprodesk, a celebra su di 5 aña di existencia. 

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options