Exposicion POP-ART (Past opposite Present) di Elgin Flanegien

E exposicion titula POP-ART (Past Opposite Present), ta su segundo exposicion solo y ta consisti di un coleccion di pintura cu Elgin a haci for di aña 2007 durante su estudio na Hulanda y algun pintura nobo traha na Aruba.

Elgin ta disfruta di haci su obranan di arte y no solamente djies un pintura, ta un creatividad cu e ta trece padilanti y hopi bes inspira pa musica.

Na aña 2006 Elgin a inicia su estudio di Arte na Hogeschool voor de Kunsten na Utrecht.

Despues di su segundo aña Elgin a ricibi un Erasmus scholarship pa por sigui studia na Scotland’s University of Dundee, na unda Elgin a gradua y obtene su Bachelor of Fine Arts, specialisa den Arte y Medio Digital y ta encanta cu obranan manera Picasso, Damien Hirst y Basquiat. Elgin su pinturanan ta pone enfasis riba arte riba caya, manera graffiti, cultura local y arte contemporaneo.

Recientemente Minister di Cultura Xiomara Maduro a bishita e exposicion presenta pa Elgin Flanegien y a keda encanta y a disfruta di dje. Alabes e mandatario ta invita comunidad pa bishita e exposicion di Elgin cu ta den Cas di Cultura te cu dia 11 di november.