Expansion orario servicio Departamento di Impuesto

E orario adapta ta entre otro pa brinda mas posibilidad pa clientenan por paga impuesto di vehiculo di motor prome cu 15 di februari proximo. Esaki ta nifica cu e oficina principal na Camacuri y e oficinanan di Gobierno na San Nicolas, Savaneta, Santa Cruz y Paradera lo no cera parti merdia entre 12 or y 1 or di merdia durante siman. E oficina principal na Camacuri lo ta habri diasabra mainta tambe for di 8 or te cu 2 or di merdia.
Ta entrega plach’i number solamente na oficina na Camacuri durante siman y diasabra.
Cu e servicio adicional aki Departamento di Impuesto ta spera cu por yuda mas tanto hende cu ta posibel pa cumpli cu nan obligacion pa paga impuesto di vehiculo di motor na un forma mas eficiente te cu 15 di februari proximo.