Exitoso charla Informativo Directie Ouderenzaken

ORANJESTAD - Diaranson 2 november ultimo a tuma luga e di 4 charla informativo di Directie Ouderenzaken, Centraal Bureau Statistiek Aruba (CBS) y Ministerio di Adulto Mayor unda a elabora riba demencia y malesa cronico na Aruba.

Charla informativo di Directie Ouderenzaken, Centraal Bureau Statistiek Aruba (CBS) y Ministerio di Adulto Mayor tocante demencia y malesa cronico na Aruba riba iaranson riba 2 november 2022. Como panelista tabata t’ey presente Sra. Desiree Helder di CBS, Sra. Kimberly Hoo di Trinity Quality Care Services y Sra. Lisette Does di Stichting Cas Marie unda a duna splicacion amplio riba e tema di demencia cu a tuma luga na Centro di Bario Playa Pabou.

E charla informativonan aki a wordo organisa durante henter luna di adulto mayor pa trece concientisacion y encurasha participacion activo riba diferente temanan relevante pa adulto mayor entre otro e situacion financiero di adulto mayor, adulto mayor femenino y necesidad di cuido.

Durante charlanan a duna esnan presente e oportunidad pa haci pregunta, comparti nan preocupacionnan y conta di nan experiencia como adulto mayor. Pa esnan cu no a logra di atende e charlanan, por wak e videonan cu ta disponibel riba e pagina di Facebook di Directie Ouderenzaken.

Minister di Asuntonan di Adulto Mayor, Sr. Ursell Arends ta sumamente contento cu e interes y participacion di nos adultonan mayor durante e charlanan unda a trece puntonan valido cu ta aporta na e maneho pa nos adultonan mayor. 

Ademas ta gradici e panelistanan, moderador Edward Erasmus, centronan di bario, fundacionnan y gruponan di bario cu a colabora y habri porta pa actividadnan durante luna di adulto mayor.

Charla informativo di Directie Ouderenzaken, Centraal Bureau Statistiek Aruba (CBS) y Ministerio di Adulto Mayor tocante demencia y malesa cronico na Aruba riba iaranson riba 2 november 2022.      Charla informativo di Directie Ouderenzaken, Centraal Bureau Statistiek Aruba (CBS) y Ministerio di Adulto Mayor tocante demencia y malesa cronico na Aruba riba iaranson riba 2 november 2022.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options